4 ліпеня 2016 года ў лагеры "Неугамон" прайшоў Дзень Беларусі. У рамках гэтага дня мы правялі акцыю "Мая Радзіма - Беларусь".

Пачаткам стала экскурсія па вуліцах роднага горада. Мы наведалі помнік героям-вызваліцелям, усклалі кветкі каля Вечнага агню, аддалі пашану хвілінай маўчання невядомаму салдату. Працоўнай акцыяй каля помніка герою грамадзянскай вайны В.К.Сінкевіч аддалі пашану знакамітаму земляку.

Вельмі ўсім спадабалася гульнёвая пляцоўка "Беларускія народныя гульні". Мы навучыліся гуляць у такія гульні як "Гусі", "Каршун", "Арэхі", "Мыш".

А яшчэ, цэлы дзень мы стараліся размаўляць толькі па-беларуску. У нас атрымалася, а вы не хацелі б паспрабаваць? Далучайцеся!